Dolla

Skellti mér í hjóltúr dagsins og kveikti smaviskusamlega á endomondo í símanum og setti jafn samviskusamlega á pásu í þau 3 skipti sem ég stoppaði ...þegar ég kom heim sá ég að GPS-ið var ekki kveikt svo það er engin leið að sjá leiðina né vegalengdina sem ég fór, en tíminn skráður nkl. 1:09:15 

...ég varð allavega jafnbleik í framan og eftir síðasta túr  
og talandi um hann..... þá fann ég um leið og ég settist á hnakkinn að það er ekki nóg að vera með MJÚKAN og STÓRAN afturenda þó hann sé flottur  því ég ætlaði varla að geta hjólað sitjandi og var á leið í þennan fína hjóltúr.... ákvað þó að láta ekki eftir mér að snúa við heldur byrjaði ferðina á að hjóla niður í Ármúla í hjólabúðina og kaupa mér gelsæti.... spurning hvort sé betra að láta setja slatta silicon í bossann frekar  ?...Best að sjá fyrst hvernig þessi sem ég keypti reynist...strákurinn í búðinni vildi þó fyrst selja mér frekar bara nýjan hnakk og einhverja stöng til að dempa frekar ....en ég ákvað að halda mig við gelið og sjá til með hitt ef það verður ekki nóg  

 Jæja...keypti líka brúsastatíf sem strákurinn var svo almennilegur að setja á fyrir mig og svo bruna ég af stað með gelpúðann undir mínum æðri enda og FANN STRAX MUN  svo ég fann að ég gæti farið smá rúnt og endaði á að fara upp í Elliðaárdal sem er endalaust fallegt svæði og maður dettur inn á nýjar slóðir í hvert sinn ..kanínur, gæsir og aðrir skrautfuglar á sveimi...og FLUGUR þar sem mér hefndist fyrir að anda djúpt að mér með munninum því það flaug upp í mig brjáluð fluga...og hún er enn að sprikla við að reyna komast úr hálsinum á mér ....ég er svoleiðis búin að ræskja mig en ekkert dugar...arrrrg ...hvað eru flugur legni að drepast og drukkna í munnvatni og magasýrum  ... Mætti líka fallegum brúðhjónum í fullum skrúða sem voru að ganga með ljósmyndara og vá hvað þau eru heppin með veððrið..LOGN og blíða í fallegu umhverfi ...verð aflottar myndir...ég rétt gat hamið mig að stökkva ekki af hjólinu og skella í mynd af þeim hehe.... kann mig alveg stundum sko.... 

Hjólaði svo á mjóum stíg meðfram ánni þar til hann endaði og varð að leiða hjólið upp smá stall og kom þá að stað sem ég vissi ekkert um .... en flott umhverfi þarna og stoppaði þar í smá stund að mynda ...ekki meira að frétta af mér á þessum fína föstudegi...gangið vel um helgina og njótið alls sem hægt er að njóta á jákvæðan hátt  ...

Í dag 12.mai, er alþjóðlegur dagur hjúkrunarfræðinga og óska ég öllum til hamingju með daginn  

Ég las grein áðan sem skrifuð var árið 2000, fyrir 15 árum af konu sem þá var í mínum sporum, að útskrifast sem hjúkrunarfræðingur, Elín B. Birgisdóttir. 

Það sem stakk mig við lesturinn, er að það hefur nákvæmlega ekkert breyst á þessum 15 árum og þrátt fyrir að maður sé stoltur af sínu starfi og það er  algerlega til í því sem sagt er að umönnunarstörf séu að mestum hluta unnin af hugsjón, því þeir sem hafa ekki í sér að líkna öðrum og gefa af sér eru ekki best til þess fallnir að sinna veikum, en geta að sjálfsögðu verið góðir í öðru. 

Ég fékk leyfi hjá höfundi að deila þessari færslu og set hana hér á eftir öðrum til umhugsunar því mér finnst þetta vel hafa getað verið skrifað af mér nú í dag árið 2015, en þetta er skrifað eins og áður kemur fram árið 2000!!!

"Það er hugsjón í matinn elskan.
     Í fréttum stöðvar tvö í síðustu viku var sýnt frá opnun nýrrar líknardeildar fyrir deyjandi krabbameinssjúklinga. Í opnunarræðu sinni sagði ræðumaður nokkur orð sem vöktu mig til umhugsunar. Sagði hann að sú eiginhagsmunahyggja, hjá heilbrigðisstarfsmönnum, sem lýsti sér í sífelldum kröfum um meira handa sjálfum sér, væri eitthvað sem þeir þyftu að taka til endurskoðunnar.
     

Þessi hugsun er reyndar ekki óþekkt, því allt frá því að Florence Nightingale gekk um með lampann margfræga, hefur það verið skoðun margra að hjúkrunarstörf ættu að vera hugsjónarstörf. Að vissu leyti er ég þessu sammála, hjúkrun er hugsjón og enginn getur starfað við hana nema að hafa í sér hugsjón.

     En hér þarf meira að koma til. Allir hjúkrunarfræðingar gera sér grein fyrir þeirri ábyrgð sem þeir bera gagnvart skjólstæðingum sínum og í raun lyfta þeir grettistaki þegar kemur að því að efla lífsgæði og vellíðan sjúklinga sinna.
En þó hlýtur sú ábyrgð sem þeir bera gagnvart þeim börnum sem Guð hefur gefið þeim, að vega meira. Það er frumskylda allra foreldra að fæða og klæða börn sín og veita þeim tækifæri til menntunnar og annara mannréttinda. Það verður ekki gert með hugsjónina eina að vopni. Ef að hjúkrunarfræðingar þurfa stöðugt að vera að hafa áhyggjur af því hvort hægt verði að gefa börnunum eitthvað að borða í kvöld eða hvort hægt sé að kaupa blýant og strokleður fyrir þau í skólann, er hætt við að hugurinn verði oftar heima en í vinnunni.

     Þeir sem til þekkja vita að þegar unnið er með mannslíf, getur slíkt haft alvarlegar afleiðingar. Það er í sjálfu sér alveg nógu mikið álag á börnin að verða að vera án foreldris síns um jól, páska og aðra hátíðisdaga þegar að aðrir eiga frí, þó að þau hafi eitthvað að borða yfir hátíðirnar.

    Það hefur verið farið stórum orðum um þær háu prósentutöluhækkanir sem hjúkrunarfræðingar hafa fengið á launum undanfarið. En slíkt er í raun bara leikur að orðum, því það þarf ekki mikinn stærðfræðing til að sjá að há prósenta af litlu er ennþá lítið. Meðan að hægt er að borga bankastjórum fleirihundruð þúsund fyrir það eitt að hætta í vinnunni, hlýtur að vera hægt að borga hjúkrunarfræðingum fyrir að vera í vinnunni.

     Ég sem hjúkrunarfræðinemi er því orðin heldur þreytt á því að heyra verðandi starfsfélaga mína kallaða frekjur þegar þeir biðja um mannsæmandi laun fyrir störf sín, þannig að þeir þurfi ekki lengur að hafa fyrirvinnu til að geta stundað þau. Það er ekki lengur hægt að ætlast til að þeir segi við börnin sín: Það er hugsjón í matinn elskan."
Elín B. Birgisdóttir, nemi í hjúkrunarfræði við Háskóla Íslands.

AF HVERJU...

...Þarf maður að eiga kreditkort?

...Þarf maður að nota kreditkort?

...Er ekki hægt fyrir landsbyggðarfólk að kaupa sér miða á tónleika á netinu nema eiga kreditkort?

...Er það eitthvað verra að staðgreiða vöru /þjónustu sem maður er að kaupa?

     Ég bara spyr vegna þess að ég hef oft lent í því að geta ekki borgað fyrir það sem ég ætla að kaupa þó ég eigi fyrir því ....af því ég er ekki með kreditkort sem virðist hljóma sem eitthvað töfraorð ..bara spurning hvort sé Euro eða Visa? 

     Ég lagði og skilaði inn kreditkortinu mínu fyrir bráðum 4 árum þegar ég byrjaði mitt nám í HA, þar sem ég sá fram á að ýmsu yrði að fórna fyrir námið, sem er ekki beint sniðið fyrir fjárhag einstæðra foreldra eða réttara sagt þar sem LÍN er ekki að taka tillit til þess hvort maður sé í sambúð eða ekki. Ég skilaði því inn kreditkortinu mínu á 1.árinu svo ég gæti ekki eytt nema því sem til væri sem sjaldnast var annað en að borga húsaleigu, matvöru og íþróttastarf sonarins. Annað árið var um tvennt að velja í stöðunni...hætta í skólanum eða hætta að vera bíleigandi og mér fannst síðari kosturinn vænlegri fyrir mig þar sem ég vildi klára það sem var byrjuð á og get ekki sagt að ég hafi oft saknað þess, þó auðvitað sé ótrúlega þægilegt að geta skroppið hingað eða þangað, en með hjálp góðra vina og vinkvenna, barna og fjölskyldu sem hafa getað skutlað mér ef á þarf að halda hefur það gengið upp  Nú er ég að ljúka námi og útskrifast sem hjúkrunarfræðingur og mun bankareikningurinn ekki fitna mikið við það svo ég mun því hvorki kaupa mér bíl aftur í bráð, né fá mér annað kredidkort, því áfram þurfa launin að duga fyrir því sem verður að borga og hitt má bíða.... ...eeeeen, þó verður maður að fá að njóta einstaka tilbreytingar og fara á góða tónleika, eða það finnst mér  þrátt fyrir að vera ekki með kreditkort.

     Upphafið af þessari romsu byrjaði einmitt nú í morgun þegar ég ætlaði að kaupa miða á tónleika á midi.is sem verða um miðjan ágúst og búin að finna fínustu sæti...neinei...hvað gerist í síðasta skrefinu? ...Borgaðu með kreditkorti eða enginn miði-Þú ræður .... Ég sendi póst hvort ekki væri hægt að millifæra eða borga með netgíró og fékk þetta svar:

„Sæl, Því miður er ekki hægt að kaupa á netinu nema með kreditkorti en þú getur komið á afgreiðslustaði okkar og keypt þar með debit og pening"

Bestu kveðjur / Best Regards xxx-xxx Þjónustuver Midi.is Skaftahlíð 24

Ps. Það verður í besta falli búið að selja bestu sætin þegar ég fer næst suður, eða orðið uppselt...hvað þá fyrir fólk sem er ekki jafnoft á ferðinni milli Reykjavíkur og Akureyrar eða annarstaðar á landsbyggðinni  

Las furðulega grein um daginn ...kona sem ákvað fyrir mörgum árum að brosa ekki ..ALDREI.. svo hún fengi ekki hrukkur!  Jamm.... hún er svo sem alveg ungleg...held reyndar að það séu frekar genin og hún væri jafnungleg með fallegar rúnir sem sýndu að hún hefði lifað lífinu jafn í sorg og gleði.... eeen, kannski tók ég svona eftir þessari grein vegna þess að ég var næstum jafn furðuleg og þessi kona um daginn. Ég sá nefninlega mynd af mér skælbrosandi og sá allar broshrukkurnar kringum bæði augu og munn og skal viðurkenna að fékk nett áfall.... og velti því fyrir mér hvort ég ætti ekki að fara spara brosin

 
Á ég að segja ykkur sögu?.... Glöð, gömul og rúnum rist eða fúl, ung og slétt....... Viljið þið giska ? Þið getið lesið sögu mína hana úr rúnunum mínum, sem ég ber með stolti, því það fer mér ekki að vera fúl og ég hætti ALDREI að brosa    Say no more